Мэ вигэём прэ бойко дром,
Кай прастыбнытка дужо джана
И грэн прэ ярмарки лыджана…
Сыр удыктём и замэём.
И роскэдэлас ман холы,
Мри романы дая захмычка,
Кэ грэнгро чорибэн привычка.
Дожакиравас рат калы.
Гадже дромэстыр страдынэ,
Грэн прэ шэлэ мэкнэ дрэ фэлда,
Паш ягори баган и кхэлна…
Сыр напинэпэс, засутнэ.
Прэ болыбэн чергэн хачел,
Со чен дрэ кан мирэ ромнятэ,
Тумано джал долэ ригатэр,
Кай гарадёлпэс грэнгро чёр.
Дуе гинштэн залучиндём,
Сыр дурэдыр барэ дромэстыр,
А кукоро прэ тритонэстэ
Лэн ангил пэстэ традыём.
Нанэ штыл андрэ да шатра,
Сыр явъя кон до свэтостэр,
Со на лэла-вса марэла
Пэрэ пхув чпрэ, пирья,
Тэсовэл канна на дэла,
И тыкнэн масэн газдэла,
Сыр о дад мрэ да муля.
Дрэ лампада ксил хачела.
Дэвэла дыкхэн прэ пхув.
Мэ пашло мирэ пшалэнца,
Мэ мангаса лэс дэвлэнца:
— Джа ту, морэ, джа ямэндэр,
Кай ту санас, дой парув!
Бахталы сы романи рат. Тибут биды выпэя прэ лакеро дром, нэ а ей джала и джала, тхадэлас и тхадэл пэрэ дэвлытко воля и вса кхарэлас и кхарэла дадывэс ромэн тэродэн пэскиро бахталыпэн прэ барии пхув. Джян и джян рома, ясвэнца хачкирэн пэскерэ сляды, татькирна джиипэн гиленца, кхэлэна лэнгерэ грая.
Дэвэс сыр о рат, рат сыр о дэвэс – вса шукар ваш лэндэ.
Радынэнапэ сыр о чирикля нэвэ зорицакэ. Всаек ей ваш лэндэ со дэвэсытко, со больвэлитко.
Барьена лэнгерэ чявэ, чяя, лэнгерэ тыкнэ масса, лыджяна ан дрэ пэстэ романи рат, романо джиипэн ангил кэ нэвэ болыбнытка дэвэса, ракирна лэскэ:
— Джидэ, вса явэн ждидэ рома!