Мэ вигэём прэ бойко дром …

Мэ вигэём прэ бойко дром,

Кай прастыбнытка дужо джана

И грэн прэ ярмарки лыджана…

Сыр удыктём и замэём.

И роскэдэлас ман холы,

Мри романы дая захмычка,

Кэ грэнгро чорибэн привычка.

Дожакиравас рат калы.

Гадже дромэстыр страдынэ,

Грэн прэ шэлэ мэкнэ дрэ фэлда,

Паш ягори баган и кхэлна…

Сыр напинэпэс, засутнэ.

Прэ болыбэн чергэн хачел,

Со чен дрэ кан мирэ ромнятэ,

Тумано джал долэ ригатэр,

Кай гарадёлпэс грэнгро чёр.

Дуе гинштэн залучиндём,

Сыр дурэдыр барэ дромэстыр,

А кукоро прэ тритонэстэ

Лэн ангил пэстэ традыём.