Лэ ман пэса …

Ххх

 

Лэ ман пэса,

Бахтало явэса.

Камам сарэ илэса.

Явэса ма ромэса!

Лэ ман пэса!

 

Лэ ман пэса.

Джас екхэ дромэса.

Дживав тырэ лавэса,

Сыр татэ кхамэса.

Лэ ман пэса!

 

Сыр газдав мэ да бакало …

Ххх

 

Сыр газдав мэ да бакало

Прэ да свэнко романно,

Тэ взурнял да грай прэ штала,

Тэ взурнял гурув прэ штала,

Тэ взурнял ловэ гоно,

Соб тэрнэнгэ прэ разжива

Лаччо кхэр и длэнго грива

И кагня и папиня,

Балычче и гурувня,

Совнакай пхэрды кисык…

Со пхэндемас, соб исыс!

МАНГЛЫПЭН

Дрэ фэлда грая,

А ив выпэя.

Зима джяла,

Шил лыджяла.

Со ту, чява,

Пурадян зява,

Мангав илэса,

Набэшь килэса,

Бида ямэндэ,

Джя палэ грэндэ,

Традэ сарэн

Кэ шатры до грэн.

Вурда зачюваса,

Кай тать  потрадаса,

Миштэс задживаса,

Дой тут женинаса,

Ромня ту лэса,

Савья выкэдэса.

Бида ямэндэ,

Джя палэ грэндэ!

Роспхэнэнти, гиля романэ …

Ххх

 

Роспхэнэнти, гиля романэ,

Со тумэ прэ да свэто дыкхнэ:

Сыр хачкирна ива,

Сыр пхурдэн балваля,

Роспхэнэнти ямэнгэ, гиля.

Мэк тэрнэ романэ мануша

Ушунэн, сыр кхарэна вэша

Гожонэн чаерьен,

Мушкирдэн чаворэн

Пэскри бахт романи тэродэн.

Сыр грая пхув наенца марэн,

О лавэнца гиля манн кхарэн

Дрэ долэ о дрома,

Со хэлдытка рома

Пэрэ пхув палэ кхам прогэнэ.

ГОДЬВАРИ ЧЯЁРИ

Покамьяпэ  чявэскэ ек чяй. А лэскерэ дакэ  пэрэ ило исыс вавир. Закошнэпэ чяво даса: савья тэлэс? И вса кошенаспэс ёнэ. Шундя, шундя да лэнгирэ споры чявэскиро пхуро дад и ракирла: доракирасапэ ямэ дякэ. Кон далэ  дуе чяендыр хулаибныткэр, доя и явэла тыри ромни, мро чяворо!

Читать дальше »