Покамьяпэ чявэскэ ек чяй. А лэскерэ дакэ пэрэ ило исыс вавир. Закошнэпэ чяво даса: савья тэлэс? И вса кошенаспэс ёнэ. Шундя, шундя да лэнгирэ споры чявэскиро пхуро дад и ракирла: доракирасапэ ямэ дякэ. Кон далэ дуе чяендыр хулаибныткэр, доя и явэла тыри ромни, мро чяворо!
Читать дальше »
Кай на джава, на прастава,
Трэ калэ якха дыкхава,
Мри лачи.
Трэ якха калэ дыкхава.
Дро кисык ловэ родава,
Мри лачи.
Кай ловэ барэ мэ лава?
Сыр мэ бьяв баро скэдава,
Мри лачи?
-Коли камэс, сарэ илэса
Лав кэ дад ту попэрэса,
Мро лачо.
Кэ мро дад лав попэрэса,
Лэса ту поракирэса,
Мро лачо.
-Мри лачи, лав попэрава.
Бьяв прэ славица кэрава,
Мри лачи.
Пьен, чавалэ, гулинэнте,
Машкир пэстэ парувэнте.
Бьяв баро.
Рома пьена, гулинэна:
-Мэк тэрнэ шукар дживэна!
Бьяв баро.
Мэ чував тэрнэ чавэнгэ
Бут бравинта про скаминд,
Мэк тэ пьен чавэ бравинта,
Мэк шунэн лаче лава.
Мэ чував пхурэ ромэнгэ
Самоваро прэ скаминд,
Мэк нэ пьен пхурэ рома,
Ракирэн пал джиипэн.
Рома смоленска ман дрэ гости закхардэ.
Мэ загэемас кэ енэ сарэ илэса.
Рома кэ чаё бут бравинта вичудэ,
Порадындэ ман пуранэс лаче лавэса.
Мэ пэрэ свэто бут дыкхтём лачэ ромэн
И бут бравинта выпиямас ямэ лэнца,
Гиля багасас, парувасас лэнца грэн
И кохи пьясас и кхэласас до ромэнца.
Ада смоленска знатна cы рома,
Сыр по старинке кэкана тумэ дживэна:
Кхэра, со дворцы, сыр о шатры паш дрома
И грэн гинштэн сарэ смоляки рикирэна