16
Мар
Романэ гиля …
Романэ гиля урнян со чирикля,
Кхарэна дро вэша, кхарэн дро фэлды,
Кэ шатры, кэ яга
И кэ калэ якха,
Кэ сыва кэ грая
Кхарэн ямэн гиля.
Прогэнэ до бэрша,
Сыр дживдям дро вэша,
Сыр гэям пэр дрома
Ямэ, русска рома.
3 комментария to “Романэ гиля …”
Урняла чириклы дро болыбэн
Мро сыво грай дэ фэлда випрастала
Э шатрица кхамэстыр парнымо
О джиипэн сыр тхув бавал лыджала…
Фэдыр мэ думинава Российска Рома?!
Эдуардо, сарэ рома -пшала, кай ёнэ тэнадживэн. Мэ дякэ думинава и манушэн на делинава. Яв састо и бахтало!
Дякэ исы Пшала!
Я имел ввиду лучше было бы написано в стихотворении твоём Российска Рома!
«Со ту моренькэ кэрэса?
Сан дадэскиро чаво!
Уса стИхицы чинэса
Яв ту чава годьваро!
Чаворэ тэхан мангэна
Забэстя ромны кхэрэ!
Мануша тут сыг бистрэна
Кай ловэ тукэ бангэ!
Сыго бьяв кэрав чавэскэ!
Тут мангава тэявэс..!
Ту сан Как мирэ тыкнэскэ
Со штылёса…накамэс?!»
«Со ту пшала дэса годлы?!
Чаворо тутэ тэрно!
Дэшу шов лэскэ авэла
Здылныя тэро шеро?!
Авир моло женинэса
Штар чона на прогэя!
Эн доя сыс кисыкарька
Саекх ласа на джиндя!!!
О шеро тэро сыр ванта
Чаворэс дыльнякирдян!
Тэ ваш со кэрэса бьяв ту
О ловэ ту кай лэян!??»
«Саекх мэ лэс женинава!
Манушенгэ лав дэём!
Пал ловэ мэ роспхэнава
Тэрэ длуги скэдэём!
Екхэ Датыр тэ Дадэстыр
Амэ туса сам пшала
Сам амэ лаче родатыр
Чачунэ сыр Господа!
Пэ васта тут рикиравас
Э роятыр чарадём
Тэрэ длуги мэ скэдава
Тут ни кай на бистырдём!!!»
«Пшалоро миро илытко
Э наис тукэ баро!
О шеро тэро бидытко
Тэявэс ту бахтало!
Годьварюко сан шерэса
Тэдживэс ту кэ шел бэрш!
Сыр наделыцо скэдэса
Дыкх со б ман тэнабистрэс!!!
…Какана ту джа Дэвлэса!
Мандэ стИхи дэ шеро..!
Сыр Пшалэс ту таньгинэса
Мэ чинава пал саро..!»
Яв састо!
Оставить комментарий